[برنامج] NOKIA PC Suite 6.8.3 لربط الجوال بالكمبيوتر والتحكم

السلام عليكم ورحمة الله وبركاته

كيفكم اخواني

والله موحشيني بالحيل

انا من زمان ماطمرت بموضوع
لكن اهم شي يكون مميز مثل هالمنتدى
ويكون فيه نوع من المغامرات <<< ناوي على فيروسات ههههههههه

المهم لا اطول عليكم هذي معلومات بسيطة عن البرنامج

س/ وش اسمك؟
ج/ نوكيا سويت

س/وش تشتغل ؟
ج/ احلف .!!!! <<<< والله ماهو بس حنا حتى البرنامج قاضي ههههههه

المهم

اسم البرنامج : نوكيا سويت 6.8.3 NOKIA PC SUITE <<<< حركة صح .


[الشرح بالارقام]
1- أخذ نسخه احتياطية من الجوال والميموري وامكانية اخذ اكثر من نسخه وتقدر تسترجع اي وحده على الجوال.
2- التزامن <<< والله هالكلمة ماهضمتها مدري وش تبي لكن اكيد لها بلا ولا مايحطونها عبث <<< نرجع لموضوعنا هع هع
3- تشبك انترنت الجوال على الجهاز يعني انت حطيت اعدادات الانترنت بجوالك بدال ماتتصفح النت بجوالك تشبكه بالكمبيوتر بس لازم تكون ضابط اعدادات النت بالجوال والفاتورة يالحبيب عليك يعني مثل اول نت او ايزي نت ..المهم وصلت المعلومة
4- تثبيت البرامج والتطبيقات على الجوال مثل: الثيمات والالعاب والبرامج ..الخ <<< اصلا بقيت شي يوم تقول "...الخ " هههههههه
5- ادارة الملفات : تقدر تتصفح ملفات الجوال بس مو كلها يعني مجلد images حق الصور وvideo حق الفيديو وزي كذا لكن ملفات السيستيم هذي عن طريق الجوال تركب برنامج لها وتتصفحها
6-جهات الاتصال
7-الرسايل: تقدر تتصفح رسايل جوالك و تكتب رسايل وترسلها عن طريق الكمبيوتر بس مو تصير حمار وتقول الرسايل على حساب اشتراك النت لا الرسايل ترسلها عن طريق الكمبيوتر يعني مثل الريمون والتلفزيون <<< المهم افهم
8-عرض الوسائط : مدري وش قصتها لكن يبدولي انها مثل الاستديو
9-تخزين الصور : تضغط عليها وتختار الجوال ثم يجيبلك البتاع كله
10-نقل الموسيقي :عن طريقها تختار اي مجلد ويبحثلك عن النغمات اللي وسطه وتسمعها واللي يعجبك انقله للجوال بضغظة زر >>> بس مو تنزل اغاني واثمك يجيني لاانا متبري منك من الان
11-تحديث سوفت وير الجهاز :اذا ضغطت علي هذي تطلعلك صفحة انترنت تختار فيها توع الجوال وهو يجيبلك اخر تحديث له
ملاحظة :بالنسبة لتحديث السوفت وير فهي لانواع معينه من الجوالات يعني من جوال الفارس 6630 وانت طالع لكن الدمعه واللي نزل قبله ماله تحديث واكبر برهان اضغط عليها وشوف نوع الاجهزة اللي بتظهر
12-مدير الاتصالات : يعني تشبك الجوال بالكمبيوتر عن طريق الوصلة (USB) او الانفراريد (IR) أو البلوتوث طبعا تضغط عليها وتختار نوع الوصلة


اوكي هذي صيدتي اليوم لكن اعذروني على هاللجه دوختكم
باقي الاهم وهو البرنامج براسه .!

ملاحظة : حملت النسخه العربية وحاولت اثبتها لكن علقت علي اثناء التثبيت ومافيها فايده بعدين حملت الانجليزية وضبطت عندي
للتذكير نوع وندوزي
1- WINDOWS XP Media Center edition 2005
2- WINDOWS XP Pro SP2
3- وحاليا Windows Vista Ultimate (ونفس الحكاية ماشتغلت النسخه العربية)
طبعا كلهن جربت عليهن الاصدار العربي وماضبط للاسف
اما الانجليزي مايحتاج
طبعا البرنامج مجانا من الشركة يعني الحمدلله ماروجت لا كراك ولاشي وانا ماني من هالنوع <<<< ماشاء الله علي مادفعت الاحق الكمبيوتر والشاشه والفاره بس والباقي كله منسوخ مو اصلي هههههههه واولها الوندوز

عاد ان بغيت ترد ولا تروح كلها واحد لكن قبل لا تطلع خذ بطاقة الاحوال لايجيك مشرف القسم ويحبسك لكن ماعليك دق جوال علي وانا اتوسط <<< اولها برنامج واخرها سوالف .!!!

بالنسبة للي وده ينقل الموضوع يلقاه بالمرفقات مع الشرح وكلش
اما الصور ان شاء الله ماراح تنتهي مدتها
وانا الان سويت اللي علي لكن خل عبارة


[ندعوك للتسجيل في المنتدى أو التعريف بنفسك لمعاينة هذا الرابط]

يسلمووو