مسجات شعريه لمحبي الشعر .............................,,
لاتشتكي للناس لاضاق صدرك
الناس ماتملك مسره ولا ياس
الناس مثلك حالهم مثل حالـــــك
والكل من مر الليالي شرب كاس
ولا تحسب انك بالتعاسه لحالك
اعرف ترى عايش معك بالشقا ناس
************************************************** ****
ارجي السنين المقبله تنصف الحال
عقب السنين اللي مضت لي حزينه
مشيت كل دروب الايام رحـــــــال
طال الشقا والحزم طالت سنينه
وكل من نشد ويقول وش هي الاحوال
اجامله بالرد واقول زينه!!
************************************************** **
بحجز على لندن تذاكر وترحيل
وآخذ بدل هالقلب قلب صناعي
قلب صناعي مابه احساس ويميل
وطيفته للدم يعطي اندفاعي
والقلب الاول ارسله لك بمنديل
واقول خذ هذا السبب في ضياعي
************************************************** ****
بعض العرب من جور الايام مجروح
وبعض العرب دله وسالي ومرتاح
مرتاح ماشاف الطباشير واللوح
ولا راح وقته بين تحضير وصياح
حصه نشاط وبالتعاميم مذبوح
وبين الاحتياط وبين الاشراف سواح
************************************************** *****
خزنت لك بالقلب عشره ملايين
ماهو رصيد فلوس لكن موده
زكاة حبك هي غناة المساكين
من الساحل الشرقي الى حد جده
بمشي معك والله على العسر واللين
الموت والمقسوم ماحد يرده
************************************************** *****
ابيك تدري صوتك العذب لاغاب
احس نفسي تنكسر من غيابه
كذا غيابك للحزن يفتح ابواب
غصب علي البس شقاه وثيابه
ادمنت صوتك وأن تثيقلت كذاب
من يعشقك لاغبت يفقد صوابه
************************************************** *******
محد يشق القلب من غير تفكير
حتى الكاتر ترتجف ثم تحتار
الحب يشق القلب من غير تخدير
ويبني قصور بداخل القلب وانهار
هذي نصيحه قلتها بصدق وتعبير
وارسلتها للي حافظن كل الأسرار !!
************************************************** ***
لا لاتلوم القلب يوم إنه اغلاك
وش حيلتي مدام قلبي عصاني
غصب علي قلبي يوديني هناك
جيت اشتكي لك من عذاب الزماني
ياروح روحي وش حياتي بلياك
لاشفت زولك ارتبك في مكاني
*************************************************
ان غبت عني تظلم الدار والحي
وإن غاب غيرك ماعسرني غيابه
أنا بدونك زهره مالها ري
بين الهشيم وتستغيث بسحابه
مصفره الاوراق مقطوعه الفي
يبكي لها سيح الشام وهضابه
النار تكوي ضامري كي
والفكر متشتت وفاقد صوابه
**************************************************
كـــاس مليتـــه بالغـــــلا لا تكبــــه
خــله يبلل بالوفــا يــابس الـريـــــق
امــله من احســاس المشاعر و صبه
ون كــان ودك غـرق القلب تغـــريق
تــرى حلات العمـــر مــع من تحبـه
شخــص تــريده مــن جميــع المخاليق
************************************************** *****
لــو اكتـــب احســاســي بالاشعــار و ابــديــه
فيــك المشـــاعــر كيــف بــس اختصــــرهــا
قــدرك كبيـــــر و يعجــــز الشعــــر يـــوفيـه
كــل القصـــــايــد فيــــك ينبــــــض بحـــرها
ارفــع يــدينـــي و اســال اللــــــه و ارجيــه
يبعـــدك عــن مـــر الحيـــــــــاه و كــــدرها
**************************************************
لطيــب اصــلك مــا شــريتــه بالاثمـــان
متسلسل من نبـــع ناس عــزيـــزيـــــــن
الطيب ســاسك و انت للطيب ديـــــــوان
قــولن صحيــح و لا يبيلـــــه بـراهيـــــن
لبست من طيبــك على الراس تيجـــــــان
تــاجن قــوي و لا تهــــزه ســلاطيــــــن
************************************************** ****
رن الجهاز ودق صوت المنبه..
برسالة زادت على القلب تشويق..،
من غالي"له بوسط قلبي محبه"..
وبيني وبينه بالمحبه مواثيق..،
ويشهد على ماأقول ربي وربه..
غالي وشوفه يبعد الهم والضيق
*************************************************
طال البعاد ولوع القلب فرقاك
ومن غيبتك صاب المولع مضره
اسهر طوال الليل واعيد ذكراك
اراجع الماضي وبالقلب حره
يذكر زمان فات بالخير وياك
الله يعيده لو بالايام مره
**********************************************
يحل دمعي واقهره داخل العين
مدري عدل للعين والا ضليمه
لا واللذي الف قلوب المحبين
ما حدرت دمعات عيني هزيمه
لكن بكت من الوفا والوفا دين
لاجل صديق وذكريات قديمه
*************************************************
وش حيلتي مادام حظي عصاني
أصبحت عاجز حاير في مكاني
وخدي بدمع العين ياما كويته
هذا القدر مكتوب والعمر فاني
لكن امانه كان موتي لفاني
قبري تحطونه على باب بيته
يمكن إذا شافه بلحظة بكاني
وإلا ترد الروح في نفس ميتة
**********************************************
انا والليل والعبره وجرح وخاطر مكسور
ونفس من هجير البعد والحرمان مقهوره
وقلب ظامي لشوفك ولا يروي ظماه بحور
وعين تحتري لحظة غياب الطيف وحضوره
ونار تنطفي مره ومره تشتعل وتثور
واقول النار مقدوره وهي ما هيب مقدوره
************************************************** ***
في غيبتك قلبي فقد من يسليه
من كثر حبك
حالف مايخونك
في غبيتك قلبي تحطم أمانيه
كرهت انا العالم وحبيت كونك
في داخلي أحساس اجهل معانيه
بس الاكيده الاكيده ان
المشاعر يبونك
************************************************** **
لاتظن القلب ياعمري ناسيك
والذي سواك مالحظه نساك
لاتقول الوقت قساني عليك
كل ليله تمر يكبر بي غلاك
ياغرام عاش مع روحي شريك
في عروقي نبض سميته
هــــــــــواك
... انشالله ان تنال اعجابكم ...,,
السبت أغسطس 04, 2012 4:38 pm من طرف سومي
